Кыргызстан Өзбекстан, Кытай, Египет жана Вьетнамга түз аба каттамдарын ачууну пландап жатат
Кыргызстандан Өзбекстан, Кытай, Египет жана Вьетнамга жаңы түз аба каттамдарын ачуу пландалууда. Бул тууралуу маалымат жыйында “МЭА” коммерциялык директору Тимур Аралбаев билдирди.
Анын айтымында, октябрдын аягында Шарм-эш-Шейх (Египет) – Бишкек мезгилдик чартердик рейси ачылат. Авиакаттам кыш мезгилинде созулат. Ошондой эле Нячанг – Бишкек (Вьетнам) каттамы ачылат.
Ошондой эле, Ош – Ташкент, Ош – Урумчи, Бишкек – Чэнду аба каттамдарын ачуу пландалууда.
"Ош – Ташкент рейси ачылышы мүмкүн, учурда аталган маселе иштелүүдө. Тарыхта буга чейин мындай каттам болгон эмес. Учурда уруксат документтерин алуу стадиясындабыз", - деди Тимур Аралбаев.
