Бишкектин бир топ көчөлөрүндө унаа токтотууга тыюу салынат

Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаменти “Бишкекасфальтсервис” муниципалдык ишканасы менен биргеликте пилоттук долбоорлордун негизинде Бишкек шаарынын көчө-жол тармагынын өткөрүү жөндөмдүүлүгүн жакшыртуу боюнча иштерди жүргүзүү пландаштырылууда.

2023-жылдын октябрынын аягына чейин бир тараптуу көчөлөрдөгү унаа токтотуучу жайларды иретке келтирүү жана участокторду бошотуу максатында 3.27 «аялдамага тыюу салынат» жол белгисин 8.24  «эвакуатор иштеп жатат» белгиси менен, 6.4 «унаа токтотуучу жай» жол белгисин 8.6.1 «унаа токтотуучу жайга коюу ыкмасы» (параллель парковка же жолго параллель) төмөнкү көчөлөрдүн айрым тилкелерине орнотуу пландаштырылууда:

· Бөкөнбаев көчөсү Абдрахманов көчөсүнөн Жаш гвардияга чейин;

· Сыдыков көчөсү Турусбеков көчөсүнөн К. Акиев көчөсүнө чейин;

· Москва көчөсү Бейшеналиев көчөсүнөн Сүйүмбаев көчөсүнө чейин;

· Логвиненко көчөсү Кулатов көчөсүнөн Ж.Жолу проспектисине чейин;

· Панфилов көчөсү Медеров көчөсүнөн Ж.Жолу проспектисине чейин;

· Ибраимов көчөсү Кулатов көчөсүнөн Ж.Жолу проспектисине чейин.

· төрт бурчтуктун ичиндеги көчөлөрдө: Түндүк-Ахунбаев көчөсү, Түштүк – Жибек-Жолу проспектиси, Чыгыш – Ибраимов көчөсү, Батыш – Жаш Гвардия бульвары жана башкалар.