Коом

Депутаттар Улуу Британиядагы кыргызстандыктарга жумушсуздукту жоюу тууралуу айтып беришти

Сапар Акунбеков

25 окт. 2023 10:55

Жогорку Кеңештин төрагасынын орун басары Нурланбек Азыгалиев баштаган парламент депутаттары Улуу Британия мамлекетине иш сапары менен барып, алгач аталган өлкөдөгү кыргызстандыктар менен жолугушту. Бул тууралуу парламент билдирди.

Лондон шаарында өткөн жолугушууда кыргыз диаспорасынын өкүлдөрү тарабынан мекендештерге тиешелүү бир катар көйгөйлөр көтөрүлүп, аларды чечүү маселелери талкууланды.

Төраганын орун басары Нурланбек Азыгалиев мамлекетте жүргүзүлүп жаткан реформаларга учкай токтолуп, миграциялык саясатты жөнгө салууга багытталган иш аракеттер тууралуу маалымат берди.

Андан тышкары, жумушсуздукту жоюу максатында жаңы иш орундарын түзүү боюнча ишке ашырылып жаткан долбоорлор жөнүндө кеп кылып:

“Өлкөбүздө экономикалык саясатты туура жүргүзүү менен коррупцияга каршы күрөштү күчөтүү аркылуу калк турмушун жакшыртуу аракети жигердүү жүргүзүлүүдө. Социалдык мекемелер арбын салынып, билим берүү жана саламаттыкты сактоо тармактарына өзгөчө көңүл бурулууда. Андыктан, жакынкы аралыкта мамлекетибиз гүлдөгөн өлкөгө айланып, ар бир жараныбыз өз жеринде сыймыктанып жашагандай шарт түзүлөт деген ишеничтебиз”, – деди.

Ошондой эле жолугушуу суроо-жооп иретинде уланды. Төраганын орун басары Нурланбек Азыгалиев айтылган бардык көйгөйлөр эске алынарын жана тийиштүү мекемелер менен бирге чечүү аракети көрүлөрүн кошумчалашты.

Мындан тышкары окуңуз

Садыр Жапаров Бүткүл кытайлык комитетинин Төрагасынын орун басары Шэнь Юэюэни кабыл алды

Президент Садыр Жапаров 27-майда, Кытай Эл Республикасынын 14-чакырылыштагы Элдик саясий консультативдик кеңешинин Бүткүл кытайлык комитетинин төрагасынын орун басары, ШКУнун Ынак коңшулаштык, достук жана кызматташтык боюнча комитетинин Төрайымы Шэнь Юэюэни кабыл алды. Бул тууралуу президенттик админстрациянын маалымат жана саясат бөлүмүнөн билдиришти. Маалыматка ылайык, жолугушуунун жүрүшүндө тараптар эки жактуу өз ара аракеттенүү,

Бишкектеги айт намазга 30 миңден ашуун адам катышты

Бишкек шаарындагы. Т.Усубалиев атындагы эски аянтта өткөн айт намазга 30 миңден ашуун адам катышты. Бишкек шаардык ички иштер башкармалыгынын маалыматына карганда, борбор калаада өткөн айт намазы тынч маанайда өттү. Коомдук тартипти сактоого 3000ден ашуун милиция кызматкери тартылды. Эске салсак, буга чейин айт намаздары мечиттерде окулуп, борбордук аянттарда окулбай келген.

MCN Coin иши боюнча айыпталган Юруслан Тойчубеков акталды

Бишкектин Биринчи Май райондук соту Мамлекеттик каржы көзөмөл кызматынын мурдагы жетекчиси Юруслан Тойчубековду актады. Бул тууралуу саясатчы Феликс Кулов социалдык баракчасына жазды. "Жаңы эле жакшы кабар алдым: Бишкектин Биринчи Май райондук соту Юруслан Тойчубековду толук актады. Мен анын күнөөсүз экендигинен эч качан шек санаган эмесмин. Бирок, бул жеңиш анын

“Кумтөр Оперейтинг Компанинин” 100% акциясы “Кумтөр Голд Компаниге” өткөрүлдү

“Кумтөр Оперейтинг Компани” ЖАКтын 100 пайыз акциясы “Кумтөр Голд Компаниге” өткөрүлдү. Бул тууралуу аталган компаниядан билдирди. Маалыматка ылайык, тийиштүү чечим учурда Тоголок алтын кенин өздөштүрүү жана Жангарт аянтында геологиялык чалгындоо иштерин жүргүзүп жаткан “Кумтөр Оперейтинг Компанинин” маселелери боюнча “Кумтөр Голд Компаниге” ыкчам чечимдерди кабыл алуу мүмкүнчүлүгүн берүү максатында кабыл алынды.