Бишкекте курулуш объектилеринде рейддер күчөтүлдү
![Бишкекте курулуш объектилеринде рейддер күчөтүлдү](/content/images/size/w1200/2024/02/428378674_773480478161142_7485738031478525554_n-1-1.jpg)
Бишкек шаарында муниципалдык инспекция курулуш объектилеринде рейд өткөрдү. Бул тууралуу мэриянын маалымат кызматы билдирди.
Рейддин жүрүшүндө 7 ишканада мыйзам бузуулар аныкталган.
Алсак, чектеш аймакта тазалыкты сактабагандыгы үчүн төмөнкү ишканаларга 13 миң сом өлчөмүндө протоколдор түзүлдү:
· Айни көч. №73а дарегиндеги «Гарант Девелопмент» ЖЧКсы ;
· Лермонтов көчөсүндө жайгашкан «Браво Билд» ЖЧКсы;
· Л.Толстой көчөсү №36 дарегинде жайгашкан «Гарант Девелопмент» ЖЧКсы ;
· Курчатова №46 дарегинде жайгашкан «Премиум А-Групп» ЖЧКсы;
· Сагынбай манасчы №168 дарегинде жайгашкан «Ригель» ЖЧКсы;
· Целинная № 21 дарегинде жайгашкан «Аманат Строй» ЖЧКсы.
Өндүрүштүк калдыктарды муниципалдык аймакка ташып чыгуу үчүн КР Укук бузуулар жөнүндө кодексинин 115-беренесинин негизинде Эркиндик бульвары, №21 дарегинде жайгашкан «СК Орион» ЖЧКсына 23 миң сом өлчөмүндө айып салынган.
Муниципалитеттин макулдугусуз, өз алдынча топурак казгандыгы үчүн «Капито Байтик Баатыр» ЖЧКсына карата КР укук бузуулар жөнүндө кодексинин 179-беренесинин негизинде, 17 миң сомго протокол түзүлдү.
Ушул эле берененин негизинде Безымянная көчөсү, 4/4 дарегиндеги «Фиш Ритейл Сервис» ЖЧКсына жол бетин бузуп, булгагандыгы үчүн 17 миң сомго протокол түзүлдү.
Мындан тышкары, текшерүү Ахунбаев көчөсү, 48/1 дарегиндеги «Чанган» каржы компаниясына жана жеке чарбалык субъекттерге чектеш аймактарды жашылдандыруу эрежелерин сактоо боюнча эскертүүлөр берилген.
![](https://im.kg/content/images/2024/02/428378674_773480478161142_7485738031478525554_n.jpg)
![](https://im.kg/content/images/2024/02/428361138_773480461494477_5303446834476638828_n.jpg)
![](https://im.kg/content/images/2024/02/428416832_773480464827810_7924907457261020178_n.jpg)
![](https://im.kg/content/images/2024/02/428392841_773480381494485_6785638488309873704_n.jpg)
![](https://im.kg/content/images/2024/02/428362462_773480361494487_4695842227465323787_n.jpg)
![](https://im.kg/content/images/2024/02/428399835_773480368161153_7606383368591881857_n.jpg)
![](https://im.kg/content/images/2024/02/428412095_773480284827828_3675211184584512901_n.jpg)
![](https://im.kg/content/images/2024/02/427989741_773480288161161_6857138243785356299_n.jpg)