Бишкек ЖЭБи цифралар менен: 366 МВт электр, 313 миң тонна көмүр...
Бишкек жылуулук электр борбору (ЖЭБ) 2025-жылдын 5-ноябрында штаттык режимде иштеп, орточо электр кубаттуулугу 366 МВтга жетти. Бул тууралуу Бишкек мэриясынын басма сөз кызматы кабарлады.
Суткалык отун керектөөсү төмөнкүдөй: көмүр – 6,086 миң тонна, газ – 234 миң нм³.
Бишкек ЖЭБинде бардыгы 15 казан агрегаты жана 7 кайчылаш байланышкан турбиналык агрегат иштейт. Учурда 6 казан жана 4 турбиналык агрегат, ошондой эле №3 жана №4 энергоблоктор иштеп жатат; 4 казан жана 1 турбиналык агрегат оңдоодо; камдыкка 5 казан жана 2 турбиналык агрегат чыгарылган.
Күз-кыш мезгилине электр жана жылуулук энергиясы менен туруктуу камсыздоо максатында ЖЭБге 1 400 000 тонна көмүр жеткирүү пландалууда. Азыркы учурда кампада 313,203 миң тонна көмүр бар.
