Ош шаарына курула турган айланма жолдун эскизи иштелип чыкты
КРнын Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Ош регионалдык башкармалыгынын архитекторлору тарабынан кезектеги эскиздик долбоор иштелип чыкты.
Бул ирет архитекторлор Ош шаарындагы жол кыймылын иретке келтирүү боюнча А.Масалиев көчөсү менен А.Шакиров көчөсүнүн кесилишине курулуучу айланма жолдун эскиздик долбоорун иштеп чыкты.
Долбоор ишке ашырылгандан кийин, аталган тилкедеги кыймыл ирээтке келип, шаардыктар жана айдоочулар үчүн коопсуз жана ыңгайлуу шарттар түзүлмөкчү.
