Араванда ар жума сайын айыл чарба жарманкеси өткөрүлүп турат
Араван районунун агрардык өнүктүрүү башкармалыгы айыл өкмөттөр менен биргеликте азык-түлүк коопсуздугун камсыздоо жана дыйкан-фермерлер өндүргөн сапаттуу айыл чарба продукцияларын элге түздөн-түз, негиздүү жана арзан баада сатуу максатында атайын иш-чараны колго алды. Бул тууралуу Айыл чарба министрлигинен билдиришти.
2025-жыл бою ар жума сайын, бейшемби күндөрү, "Ак-Була" базарында атайын даярдалган жайда айыл чарба жарманкеси өткөрүлүп турат. Жарманке дыйкан-фермерлерге өз продукцияларын ортомчуларсыз сатуусуна мүмкүнчүлүк түзүп, жергиликтүү тургундарды жаңы, экологиялык таза жана сапаттуу азыктар менен камсыз кылууга багытталган.
Араван райондук агрардык өнүктүрүү башкармалыгы бардык фермерлерди жана райондун тургундарын жума сайын өтө турган жарманкеге активдүү катышууга чакырат.
