Спирт агенттиги жана "Кара-Балта спирт заводунда" ири аудиттик кемчиликтер аныкталды
Эсептөө палатасы Этил спиртин, алкоголдук продукцияны өндүрүүнү жана жүгүртүүнү контролдоо боюнча мамлекеттик агенттикке жана “Кара-Балта спирт заводу” мамлекеттик ишканасына жүргүзүлгөн аудиттин жыйынтыктарын карады. Бул тууралуу мекемеден билдиришти.
Агенттик боюнча:
Аудит натыйжасында мыйзамсыз алынган алкоголдук продукция боюнча эсеп так жүргүзүлбөгөнү, айып санкцияларын өндүрүүдө кечигүүлөр болгондугу, 2023-жылга мамлекеттик сатып алуулар планы бекитилбегени жана айрым командировкалык документтер толук толтурулбаганы аныкталды.
“Кара-Балта спирт заводунда”:
Эмгек келишимдеринде милдеттер так көрсөтүлбөгөнү, эмгек акы аныктоонун бирдиктүү тартиби жоктугу, сатып алуулар плансыз жүргүзүлгөнү жана запастык бөлүктөр боюнча актылар толтурулбаганы белгиленди.
Эсептөө палатасы эки мекемеге кемчиликтерди жоюу жана ички контролду күчөтүү боюнча көрсөтмөлөрдү берди.
