Салык кызматкерлери алкоголдук продукцияны көзөмөлдөө боюнча окуудан өттү

Мамлекеттик салык кызматынын кызматкерлери этил спирти жана алкоголдук продукциялардын өндүрүлүшү менен жүгүртүлүшүн көзөмөлдөө жаатында атайын окутуудан өтүштү. Бул тууралуу Салык кзыматынан билдиришти.

Окутуу “Альфа Телеком” ЖАК менен биргеликте санариптик маркаларды колдонуу, лицензия берүү жана салык постторунун иши боюнча өткөрүлүп, кызматкерлердин кесиптик даярдыгын жогорулатууга багытталды.

Алынган билимдер салык төлөөчүлөргө алкоголдук продукцияны өндүрүү жана жүгүртүүгө лицензия алуу жол-жоболорун түшүндүрүүдө колдонулмакчы.

Бул семинарлар салык органдарынын ишинин натыйжалуулугун жогорулатууга, региондогу тажрыйба алмашууга жана алкоголдук продукцияны көзөмөлдөө функциясын күчөтүүгө багытталган.