Коом

ЕАЭБде ичүүчү суунун коопсуздугу боюнча жаңы талаптар талкууда

Ишкер Media

05 дек. 2025 09:54

Евразия экономикалык биримдиги (ЕАЭБ) «Таңгакталган ичүүчү суунун, анын ичинде табигый минералдык суунун коопсуздугу жөнүндө» техникалык регламентине № 2 өзгөртүүлөр долбоорун коомдук талкууга койду. Документ ЕАЭБдин расмий порталында жайгаштырылган. Бул тууралуу Экономика жана коммерция министрлигинен билдиришти.

Долбоор төмөнкү жаңыланмаларга багытталган:

Маркалоо талаптарын тактоо: табигый минералдык, табигый жана иштетилген ичүүчү суулардын маркалоосуна кошумча талаптар киргизилет. Ошондой эле таңгакталган сууларды декларациялоо же мамлекеттик каттоодон өткөрүү учурунда маркалоонун шайкештигин ырастоо тартиби такталат.
Коопсуздук нормаларын жаңылоо: ашкана суулары үчүн фториддердин жол берилген деңгээли кайра каралып чыгат, марганец боюнча талаптар такталат. Дарылоо жана дарылоо-ашкана сууларына карата радиациялык коопсуздукту баалоо нормалары жаңыртылат.
Редакциялык жана техникалык түзөтүүлөр: техникалык регламенттеги бир катар дал келбестиктер жана техникалык мүнөздөгү кемчилдиктер жоюлат.

Коомдук талкуу 2026-жылдын 6-мартына чейин уланат. Долбоор боюнча бардык сунуштар жана сын-пикирлер ушул мөөнөттөн кечиктирбестен Евразия экономикалык комиссиясына жазуу жүзүндө кабыл алынат.

Мындан тышкары окуңуз

Жакынкы күндөрү Кыргызстанда кар жаашы күтүлүп жатат

Алдыдагы күндөрү Бишкекте аба ырайынын кескин өзгөрүүсү күтүлүүдө. Синоптиктердин маалыматына ылайык, кар жаап, үшүк жүрүшү күтүлөт. Абанын температурасы: 5-декабрь, жума күнү Күндүз: +6…+8°, ала булут каптап турат, жаан-чачын күтүлбөйт. 6-декабрь, ишембиде Түндө –1…–3°, күндүз +7…+9°, жаан-чачын күтүлбөйт. 7-декабрь, жекшебиде Түндө –2…–4°, күндүз +6…+8°, ала булут

Кыргызстанда аквамаданиятты өнүктүрүү борбору түзүлөт

Балык өнөр жайы комплекси департаменти Корея деңиз институтунун (KMI) жетекчилиги менен Кыргызстандын “Балык чарбасын жана аквамаданиятын өнүктүрүү боюнча улуттук борборун” түзүү долбоорун ишке ашыруу боюнча жыйын өткөрдү. Суу ресурстары, айыл чарба жана кайра иштетүү өнөр жайы министрлигинен билдиришкендей, жыйын видео конференц байланыш форматында өттү. Улуттук борбор министрликтин Регионалдык акклиматташтыруу жана

Муниципалдык жерлерди мыйзамсыз ээлөөгө каршы иштер уланууда

Жер пайдаланууну контролдоо боюнча башкармалыгы шаардык жол-транспорт түйүнүн өнүктүрүүгө тоскоолдук кылган, мыйзамсыз курулган объектилерди алып салуу иштерин улантууда. Бул тууралуу мэриядан билдиришти. Сибирский тар көчөсүндө жүргүзүлгөн иштердин жүрүшүндө 9 капиталдык курулуш жана 11 тосмо алынды. Натыйжада узундугу 144 метр, жалпы аянты 1700 чарчы метр муниципалдык жер бошотулду. Бул кадам жолду

Кыргызстанда мектепке чейинки билим берүү менен камтуу 50%га жакындады

Кыргызстанда мектепке чейинки билим берүү боюнча камтуу дээрлик 50 пайызды түзгөнүн Билим берүү министрлиги маалымдады. Ведомствонун маалыматына караганда, 2024/25-окуу жылында мектепке чейинки билим берүүнүн бардык түрлөрү жана формалары, анын ичинде мектепке даярдоо боюнча балдардын камтылышы 44,3 пайызды түзгөн. Жакынкы жылдары бул көрсөткүчтү 60 пайызга жеткирүү максат кылынууда. Министрлик