2025-жылдын ичинде 675 имаратка инженердик-техникалык корутунду берилди
2025-жылы Курулуш, архитектура жана турак жай-коммуналдык чарба министрлигине караштуу Жер титирөөгө туруктуу курулуш жана инженердик долбоорлоо мамлекеттик институту бир катар маанилүү иштерди аткарды.
Бул тууралуу аталган министрликтен кабарлашты.
Маалыматка ылайык:
-Жыл ичинде курулуп жаткан жана пайдаланууда турган объекттердин коопсуздугун баалоо боюнча 675 инженердик-техникалык корутунду берилген.
-Уникалдуу объекттерди долбоорлоо үчүн 100 атайын техникалык шарт иштелип чыгып, бизнеске жана инвесторлорго квалификациялуу колдоо көрсөтүлгөн.
-Заманбап технологияларды колдонууга шарт түзүү максатында 14 жаңы курулуш ченемдери жана эрежелери иштелип чыккан.
Мындан сырткары сыноо иштеринин сапатын жогорулатуу үчүн фасаддык системаларды динамикалык сыноодон өткөрүүчү вибростенд, лабораториялык сыноолорду жакшыртуу үчүн арматура жана бетондун сапатын текшерүүчү заманбап жана пресстөөчү жабдуулар сатылып алынды.
