Эң жаш делегат Арсен Болотов эски имараттарды иштетүү маселесин көтөрдү
IV Элдик курултайдын эң жаш делегаты, 22 жаштагы Арсен Болотов Токмок шаарына тиешелүү маселелер менен келди.
Анын айтымында, негизги көйгөйлөрдүн бири — кадр маселеси, өзгөчө жаш адистердин аздыгы. Ал жаш кадрларды шаарда алып калуу жана аларды тартуу үчүн жеңилдетилген программаларды уюштурууну сунуштады.
"Биздин шаарда реабилитациялык борборлор, мектептер жана спорттук комплекстер жетишсиз. Ошол эле учурда Токмокто кароосуз калган имараттар көп. Шаардын өнүгүү балансын сактоо үчүн бул имараттардын ордуна мектептерди, бала бакчаларды жана башка социалдык объекттерди уюштурса болот", — деп белгиледи Арсен Болотов.
