Бишкекте миңдеген жаранга жаңы батирлердин ачкычы тапшырылды

Бүгүн, Маликов көчөсү, 91 дарегинде жайгашкан “Мурас” турак жай комплексинен 1080 батир ээлерине тапшырылды. Тапшыруу аземине президент Садыр Жапаров катышты. Бул тууралуу Мамлекеттик ипотекалык компаниясынан билдиришти.

Экинчи этапта 8 блоктон турган, жалпы 64 672 чарчы метр аянтты түзгөн батирлер берилди:

• 1 бөлмөлүү – 360 батир
• 2 бөлмөлүү – 432 батир
• 3 бөлмөлүү – 288 батир

Долбоор жалпы 39 блокту камтып, 4 754 батирди курууну максат кылат. Мурда 986 батир жайгашкан 11 блок пайдаланууга берилген.

Экинчи этаптан кийин тапшырылган батирлердин жалпы саны 2 066ны, калган курулуш көлөмү 2 688 батирдитүзөт. Долбоор 2024-жылы башталган жана болжолдуу наркы 4 млрд 166 млн сом деп бааланган.