Өлкөдө канча асыл тукум мал бар? – Министрликтин маалыматы
Суу ресурстары, айыл чарба жана кайра иштетүү өнөр жайы министрлиги билдиргендей, асыл тукум мал чарбачылыгын өнүктүрүү максатында жүргүзүлүп жаткан мамлекеттик колдоо жана селекциялык иштер өз натыйжасын берип жатат.
Бүгүнкү күндө республика боюнча асыл тукум мал чарбаларынын жалпы саны 185ке жетти. Алар мал чарбачылыгынын бардык негизги багыттарын камтып, айыл аймактарындагы экономикалык активдүүлүктү арттырууда.
Ири мүйүздүү асыл тукум мал чарбалары – 66, жалпы мал саны 8 406 баш.
Асыл тукум кой чарбалары – 75, малдын жалпы саны 24 759 баш.
Асыл тукум жылкы чарбалары – 35, жалпы саны 1 725 баш.
Асыл тукум эчки чарбалары – 5, жалпы саны 2 704 баш.
Асыл тукум топоз чарбалары – 5, малдын саны 1 224 баш.
Асыл тукум канаттуулар чарбалары – 2, жалпы саны 281 миңден ашык канаттуу.
Бул көрсөткүчтөр асыл тукум мал чарбачылыгынын өлкөнүн азык-түлүк коопсуздугун камсыздоодо жана экспорттук потенциалын жогорулатууда маанилүү экенин көрсөтөт. Айрыкча кой жана ири мүйүздүү мал багытындагы чарбалар эт жана сүт продукцияларынын сапатын жакшыртууга өбөлгө түзүүдө.
Министрлик асыл тукум чарбаларды өнүктүрүү, фермерлерди колдоо жана заманбап технологияларды киргизүү багытындагы иштерди мындан ары да улантарын белгилейт.
