УКМК 11,2 га мыйзамсыз менчиктештирилген жерди мамлекетке кайтарды
Улуттук коопсуздук мамлекеттик комитети (УКМК) билдиргендей, Бишкек шаарынын Дорожная көчөсүндө жайгашкан 11,2 гектар жер тилкеси мамлекеттин балансына өткөрүлдү.
Маалыматка ылайык, бул жер тилкеси 1997-жылы Бишкек мэриясы тарабынан Кара-Жыгач токоюнун аймагынан Токой институтуна илимий изилдөө максатында берилген. Бирок, кийинчерээк жер мамлекеттик каттоо органдарына катталбай калган жана айрым кызмат адамдары тарабынан жеке жактарга сатылган.
Тергөө иштеринин натыйжасында жер тилкеси баштапкы максатка ылайык пайдалануу үчүн толугу менен мамлекетке кайтарылды.
УКМК буга чейин мыйзамсыз менчиктештирилген Улуттук илимдер академиясынын башка мүлктөрүн аныктоо жана мамлекетке кайтаруу боюнча ыкчам-тергөө иш-чараларын улантып жатат.
