Коом

Д.Бекешов: Мамлекеттик ипотека социалдык аз камсыздалган жарандар үчүн жеткиликтүү эмес

Ишкер Media

18 февр. 2026 11:55

Бүгүн Жогорку Кеңештин пленардык отурумунун жүрүшүндө депутат Дастан Бекешов мамлекеттик ипотека аркылуу турак жай алуу маселеси аз камсыздалган жарандар үчүн кыйын болуп калгандыгын билдирди.

Депутаттын айтымында, бул маселеге министрлер кабинети көңүл бөлүп, атайын программа иштеп чыгып, багаар-көрөөрү жок жетим балдардын турак жайлуу болушуна шарт түзүшү керек.

“Алар балдар үйлөрүнөн чыккандан кийин эмне болот? Кайда барып, эмне кылышат, кандай билим алышат, кантип турак жай менен камсыз болушат? Ооба, алар бала кезинен бери депозит алып келишет, бирок бул эч нерсеге жетпейт. Алар эч качан мамлекеттик ипотеканы төлөй алышпайт! Аларды кыялданып, мамлекеттик ипотекага жөнөтүүнүн кажети жок. Баалар өсүп жатат. Мамлекеттик ипотека социалдык жактан аялуу жактарга, ден соолугунун мүмкүнчүлүгү чектелүү адамдарга жана жетимдерге жеткиликтүү эмес. Алар кантип жашашы керек? Менимче, мамлекет жардам бериши керек”-деп билдирди, Бекешов.

Депутаттын айтымында, бул маселени комплекстүү карап чыгуу зарыл. Анткени, бул тууралуу арыз - кайрылуулар эл өкүлүнүн дарегине көп келет жана ага так жооп берүү кыйынга турат. Андыктан эл өкүлү атайын чара колдонуп, балким турак жайларды, жатаканаларды куруу сыяктуу муктаждарды колдоонун программасын иштеп чыгууну, министрлер кабинетине сунуштады.

Мындан тышкары окуңуз

"Ала-Арча" мамлекеттик жаратылыш паркында жаңы асма жол ачылат

Бүгүн “Ала-Арча” мамлекеттик жаратылыш паркында өлкө жетекчилигинин катышуусунда жаңы асма жол расмий түрдө ачылат. Бул тууралуу Туризм департаментинин директору Эрденет Касымов “Кабар” агенттигине билдирди. Анын айтымында, тоо башына курулуучу мейманканалар жана тамактануучу жайлар экологиялык стандарттарга ылайык жана бардык эрежелерди сактоо менен ишке ашырылууда. “Жакынкы келечекте Кыргызстандын ар бир тоосу жана

Жогорку Кеңеш дагы 4 жаңы депутат менен толукталды

Бүгүн КРнын Жогорку Кеңешинин пленардык отурумунун жүрүшүндө, Борбордук шайлоо комиссиясынын төрагасы Тынчтыкбек Шайназаров депутаттардын жаңы курамы менен тааныштырып, эл өкүлдөрүнун ант берүү аземи болду. Т.Шайназаровдун айтымында, Боршайком 2026-жылдын 13-февралында 2025-жылдын 30-ноябрындагы мөөнөтүнөн мурда өткөн шайлоодогу №13 көп мандаттуу шайлоо округу боюнча, 2025-жылдын 3-декабрындагы №160-токтомун кайра карап, ал токтомду жокко

Финансы министрлигинин гранттары Чүй облусундагы долбоорлорду 192 млн сомго каржылаган

2025-жылы Финансы министрлиги тарабынан бөлүнгөн стимулдаштыруучу (үлүштүк) гранттардын эсебинен жергиликтүү өз алдынча башкаруу органдары жалпы суммасы 365 млн 872 миң сомду түзгөн 89 долбоорду ишке ашырган. Бул тууралуу бүгүн Чүй облусу боюнча президенттин ыйгарым укуктуу өкүлүнүн биринчи орун басары Санжар Жантаев 2026-жылга карата Чүй облусунун социалдык-экономикалык өнүгүү маселелерине арналган коллегиянын

Социалдык кызматкерлер өлкө боюнча 9 452 муктаж жаранга жардам көрсөтүшөт

Бүгүнкү күндө Эмгек, социалдык камсыздоо жана миграция министрлигинин шаардык, райондук жана райондор аралык башкармалыктарында 2026-жылдын 1-январына карата 854 социалдык кызматкер социалдык жардамга муктаж болгон 9452 жаранга үйүнө барып кызмат көрсөтүшөт. Бул тууралуу ведомстводон билдиришти. Алардын ичинде: • жалгыз бой улгайган жарандар – 3819 адам; • майыптыгы бар адамдар – 2313 адам; • жубайлар – 350 үй-бүлө;