Жыл башынан бери ишкерлерге 1 млрд сомдон ашык кепилдик берилди
2026-жылдын башынан 13-апрелге чейин "Кепилдик фонд" ААКсы ишкерлерди колдоо алкагында 1,07 млрд сомдон ашык суммада кепилдик берди. Бул тууралуу Кепилдик фондунан билдиришти.
Маалыматка ылайык, берилген кепилдиктердин негизинде ишкерлер 3,8 млрд сомдон ашык көлөмдө насыя каражаттарын тарта алышкан.
Фонд ишмердүүлүгүн баштагандан бери жалпысынан 21 317 кепилдик берип, алардын суммасы 18,9 млрд сомдон ашты. Натыйжада ишкерлер 57,9 млрд сомдон ашык насыя ресурстарына жетишкен.
Белгиленгендей, кепилдик механизми күрөө жетишсиз болгон ишкерлер үчүн банктык каржылоого жетүүнүн негизги инструменттеринин бири бойдон калууда.
