Бишкекте эки жер үстүндөгү жөө өтмөк техникалык пайдаланууга берилди
Күн мурун Бишкек шаарында эки жаңы жер үстүндөгү жөө адамдар өтүүчү көпүрөнүн техникалык ачылышы болуп өттү. Бул тууралуу муниципалитеттен билдиришти.
Жаңы объекттердин бири Жибек Жолу проспектисинде, Аламүдүн базарынын аймагында жайгашса, экинчиси 7-Апрель көчөсүндө курулган.
Көпүрөлөр жөө жүргүнчүлөрдүн коопсуздугун жана ыңгайлуулугун жогорулатуу максатында заманбап талаптарга ылайык жабдылган. Аларда майыптыгы бар жарандар үчүн жеткиликтүүлүктү камсыз кылган заманбап лифттер орнотулуп, бардык зарыл болгон инфраструктура каралган.
Жибек Жолу проспектисиндеги жер үстүндөгү өтмөктүн узундугу 27 метрди түзсө, 7-Апрель көчөсүндөгү көпүрөнүн узундугу 37 метрди түзөт.
Учурда объекттерде уюштуруу жана техникалык иштердин акыркы этабы жүргүзүлүп жатат. Жакынкы күндөрү көпүрөлөр толук пайдаланууга берилип, борбор калаанын тургундары жана коноктору үчүн жеткиликтүү болот.
Жаңы өтмөктөр шаардагы жөө жүргүнчүлөрдүн кыймылынын коопсуздугун жогорулатып, жол кырсыктарынын алдын алууга жана транспорт агымын натыйжалуу уюштурууга өбөлгө түзөт.
