Мыйзам бузуу фактыларына күбө болсоңуз – Бишкек мэриясына кабарлаңыз
Бишкек шаарынын мэриясы коррупцияга каршы аракеттенүүнү күчөтүү жана өз ишмердүүлүгүнүн ачыктыгын камсыз кылуу максатында мэриянын түзүмдүк бөлүмдөрүндө ишеним телефондору иштеп жатканын маалымдайт.
Жарандар жана юридикалык жактар коррупциялык тобокелдиктер, мыйзам бузуулар, кызматтык абалдан кыянаттык менен пайдалануу, кызыкчылыктардын кагылышы жана башка ушул сыяктуу фактылар боюнча кайрылууларын жолдой алышат.
Кайрылууларды кабыл алуу үчүн төмөнкү ишеним телефондору жеткиликтүү:
0312 97 91 95 (кошумча 0603)
0312 97 91 95 (кошумча 0602)
Мэрияга келип түшкөн бардык кайрылуулар белгиленген тартипте каралып чыгып, алардын жыйынтыгы боюнча тиешелүү чаралар көрүлөт.
Бишкек шаарынын мэриясы жарандарды коррупциялык көрүнүштөргө кайдыгер карабоого жана мыйзам бузуулар тууралуу өз убагында маалымдоого чакырат.
