Ак-Бата конушундагы 650 орундуу мектептин курулушу 70%га аяктады
Бишкек шаарынын Ак-Бата конушунда курулуп жаткан 650 орундуу жаңы мектептин курулуш иштеринин 70%ы бүткөрүлдү. Бул тууралуу Курулуш министрлигинен билдиришти.
Бишкек шаарынын Ак-Бата конушунда Курулуш, архитектура жана турак жай-коммуналдык чарба министрлиги тарабынан 650 орундуу жаңы мектеп курулууда.
Министрликтин маалыматына ылайык, мектептин курулушу 2026-жылдын март айында башталган. Долбоор боюнча жалпы аянты 5 257 чарчы метрди түзгөн билим берүү мекемеси беш блоктон турган эки кабаттуу имараттан турат.
Жаңы мектепте окуу класстары, лабораториялар, китепкана, ашкана, медициналык бөлмө, жыйындар залы, эмгек кабинети жана спорт зал каралган.
Учурда курулуш-монтаждоо иштеринин 70%ы аткарылды.
Министрлик белгилегендей, курулуштун жүрүшү жана сапаты ведомствого караштуу тиешелүү департаменттер тарабынан туруктуу көзөмөлдөнүп, техникалык талаптардын сакталышы үзгүлтүксүз текшерилип турат.
