Алайда экологиялык мыйзамды бузган ишканага 46 миң сом айып салынды
Алай районундагы "Гүлчө коммуналдык чарба" муниципалдык ишканасы экологиялык мыйзамдардын талаптарын бузганы үчүн 46 миң сом өлчөмүндө административдик айыпка жыгылды.
Жаратылыш ресурстары министрлигине караштуу Экологиялык жана техникалык көзөмөл кызматынын Ош регионалдык башкармалыгы 29-июлда социалдык тармактарда жарыяланган видеонун негизинде текшерүү жүргүзүп, экологиялык мыйзамдардын бузулганын аныктады.
Текшерүүнүн жыйынтыгында Алай районунун Гүлчө шаарындагы "Гүлчө коммуналдык чарба" муниципалдык ишканасы экологиялык мыйзамдардын талаптарын сактабаганы тастыкталды. Аталган факты боюнча ишканага жалпы 46 миң сом өлчөмүндө административдик айып салынды.
Жаратылыш ресурстары министрлиги экологиялык мыйзамдардын талаптарын так сактоого чакырып, айлана-чөйрөгө зыян келтирген мыйзам бузууларга карата мыйзам чегинде тиешелүү чаралар мындан ары да көрүлөрүн билдирди.
