Баткенде чайыр өсүмдүгүн мыйзамсыз жыйнаган үч жаранга айып пул салынды
Баткен облусунун Кадамжай районунда чайыр (ферула) өсүмдүгүн мыйзамсыз жыйнап жүргөн үч жаран аныкталып, аларга жалпы 16,5 миң сом айып пул салынды.
Жаратылыш ресурстары, экология жана техникалык көзөмөл министрлиги өсүмдүктөр дүйнөсүн коргоо боюнча рейддик иш-чараларды улантууда.
Мындан тышкары, рейд учурунда балык уулоо эрежелерин бузган дагы бир жаран аныкталып, ага да Кыргыз Республикасынын Укук бузуулар жөнүндө кодексине ылайык айып пул салынды.
Министрлик чайыр (ферула) өсүмдүгүн мыйзамсыз жыйноо жаратылыш экосистемаларына зыян келтирерин жана мындай аракеттер мыйзам боюнча жоопкерчиликке алып келерин эскертти.
