Коом

Бишкек мэри бүтпөй жаткан эки курулушка катуу талап койду

Айгерим Качкынбекова

31 июля 2026 10:57

Бишкек шаарынын мэри Айбек Джунушалиев курулушу аяктай элек эки объектте көчмө текшерүү жүргүздү.

Муниципалитеттин маалыматына ылайык, алгач калаа башчысы Орозбеков көчөсү, 72 дарегинде жайгашкан Ala Tower көп функционалдуу борборунун курулушу менен таанышты. Объектти "Шаако Строй" ЖЧКсы куруп жатат. Курулуш 2024-жылы башталганына карабастан, азыркыга чейин бүтө элек.

Компаниянын өкүлдөрү менен жолугушууда мэр курулуш иштерин токтоосуз жандандырууну талап кылып, бир айлык мөөнөт берди. Эгер бул аралыкта курулуштун темпи камсыздалбаса, тиешелүү кызматтарга келишимди мыйзамда белгиленген тартипте бузуу маселесин кароо тапшырылды.

Андан соң мэр Байтик Баатыр көчөсүндөгү 60, 62 жана 64 даректеринде жайгашкан дагы бир курулуш объектисин текшерди. Бул жерде "Мастер Групп" ЖЧКсы көп кабаттуу турак жайларды куруп жатат.

Аталган объекттин курулушу 2014-жылы башталганына карабастан, бүгүнкү күнгө чейин аяктай элек.

Бул объект боюнча да курулуш иштерин жандандыруу үчүн бир айлык мөөнөт берилди. Биринчи май районунун акимине тиешелүү шаардык кызматтар менен биргеликте абалды өзгөчө көзөмөлгө алуу тапшырмасы жүктөлдү.

Эгер коюлган талаптар аткарылбаса, мыйзамда каралган чаралар көрүлүп, анын ичинде объектти мамлекеттик менчикке өткөрүп берүү мүмкүнчүлүгү да караларын мэрия билдирди.

Мындан тышкары окуңуз

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга

Валюталардын бүгүнкү курсу: юань өстү, доллар өзгөргөн жок

Улуттук банк 8-августка карата валюталардын расмий курсун жарыялады. Ага ылайык, доллардын курсу өзгөрүүсүз, тагыраагы 87,4500 сом бойдон калды. Евро 100,9435 сомдон 100,7730 сомго түшүп, 0,17%га төмөндөдү. Ал эми рублдин курсу 1,0652 сом деп белгиленип, 1,36%га түштү. Теңге болсо 0,1871 сомдон