Араванда кичи ГЭСтин курулушунда мыйзам талаптары сакталган эмес
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ош региондук башкармалыгы аймактагы курулуш объектилерине туруктуу көзөмөл жүргүзүүдө.
Министрликтин маалыматына ылайык, көзөмөл иш-чараларынын алкагында Араван районунун Керме-Тоо айыл өкмөтүнө караштуу Кичи-Алай айылындагы Турук дарыясында курулуп жаткан кичи ГЭСтин курулушунда мыйзам бузуу фактылары аныкталды.
Тактап айтканда, объекттеги курулуш иштери Мамлекеттик бирдиктүү курулуш реестрине катталбастан жүргүзүлүп жатканы белгилүү болду.
Аталган факты боюнча курулуш иштерин жүргүзүп жаткан "Эл Бат Энерджи Турук" ЖЧКсына тиешелүү акт түзүлүп, 200 миң сом өлчөмүндө айып пул салынды.
Мындан тышкары, текшерүүнүн жүрүшүндө объектте курулуш нормалары сакталбаганы аныкталып, мыйзам бузуу менен аткарылган курулуштарды буздуруу боюнча тиешелүү талап коюлду.
