Коом

Бажы жайларында утилизациялык жыйым боюнча стенддер орнотулду

Айгерим Качкынбекова

10 авг. 2026 10:34

Жаратылыш ресурстары, экология жана техникалык көзөмөл министрлигине караштуу "Эко Оператор" мамлекеттик ишканасы тышкы экономикалык ишмердүүлүктүн катышуучуларына утилизациялык жыйымды төлөө тартиби боюнча маалымат берүү иштерин улантууда.

Ведомствонун маалыматына ылайык, бул багытта Мамлекеттик бажы кызматы менен кызматташуунун алкагында Түндүк-Чыгыш бажысында жана "Түндүк" темир жол бажысында атайын маалыматтык стенддер орнотулду.

Маалыматтык стенддер товарларды бажылык жол-жоболоштуруу үчүн келген жарандарга, импорттоочуларга, декларациялоочуларга жана уюмдардын өкүлдөрүнө утилизациялык жыйым боюнча керектүү маалыматтарды жеткиликтүү форматта берүү максатын көздөйт.

Стенддерде утилизациялык жыйымды төлөө тартиби, жыйым төлөнүүгө тийиш болгон товарлардын тизмеси, тиешелүү ченемдик-укуктук актылар жөнүндө маалыматтар, ошондой эле кошумча консультация алуу үчүн "Эко Оператор" мамлекеттик ишканасынын байланыш маалыматтары жайгаштырылган.

Эми Түндүк-Чыгыш бажысына жана "Түндүк" темир жол бажысына товарларын бажылык жол-жоболоштуруу үчүн кайрылган жарандар жана тышкы экономикалык ишмердүүлүктүн катышуучулары утилизациялык жыйым боюнча керектүү маалыматтарды жеринен алып, кызыктырган суроолору боюнча кеңири түшүндүрмө ала алышат.

"Эко Оператор" мамлекеттик ишканасы мындан ары да утилизациялык жыйым боюнча маалымдуулукту жогорулатууга жана аны башкаруу механизминин ачык-айкындуулугун камсыз кылууга багытталган иштерди улантат.

Мындан тышкары окуңуз

Оштун бюджетине бир айда 160 млн сом кошумча киреше түштү

Ош шаарынын жергиликтүү бюджетине үстүбүздөгү айда 160 млн сом кошумча киреше түштү. Бул тууралуу Ош шаарынын мэриясынан билдирди. Буга чейин Президент Садыр Жапаровдун чечими менен салыктын эки түрү — бирдиктүү салык жана сатуудан алынуучу салык Ош шаарынын жергиликтүү бюджетинде калтырылган. Ош шаарынын мэри Жанар Акаевдин айтымында, кошумча түшкөн каражаттар калаанын инфраструктурасын

Жети айда 387 этникалык кыргыз кайрылман статусун алды

Кыргызстанда 2026-жылдын жети айында 387 этникалык кыргызга кайрылман статусу берилди. Бул тууралуу Эмгек, социалдык камсыздоо жана миграция министрлиги маалымдады. Министрликтин маалыматына ылайык, кайрылман статусун алгандардын басымдуу бөлүгү Тажикстандан келген этникалык кыргыздар. Тактап айтканда, Тажикстандан келген 351, Өзбекстандан 16, Кытайдан 10, Россиядан 5, Ооганстандан 1 жана башка өлкөлөрдөн келген 4

Көк-Арттагы эс алуу жайларына 15 миң 500 сом айып салынды

Көк-Арт өрөөнүндө өткөн экологиялык рейдде 8 эс алуу жайына эскертүү каттары тапшырылды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди. Маалыматка ылайык, өрөөндөгү эс алуу жайларында саркынды суулардын айлана-чөйрөгө агызууга, тиричилик калдыктарынын туш келди таштоого жол бербөө боюнча текшерүү жүргүзүлгөн. Натыйжада "Бай

ИИМ: КРнын мыйзамдарын билбей туруп, жарнамаларды жарыялабагыла!

Кыргыз Республикасынын ИИМдин Баңгизаттарды мыйзамсыз жүгүртүүгө каршы күрөшүү кызматы тарабынан Instagram социалдык тармагындагы «kendir_too» баракчасы аркылуу курамында кара куурай өсүмдүгүнүн компоненттери бар продукцияларды жарнамалоо жана сатуу менен алектенген жарандардын ишмердүүлүгүнө бөгөт коюлду. ИИМнин басма сөз кызматынын маалыматына караганда, бул жарандар иштетип жаткан «М» дүкөнүндө жүргүзүлгөн тинтүү учурунда курамында кара