Коом

Фитосанитардык талаптарга жооп бербеген 7 250 даана гүл көчөтү утилизацияланды

Айгерим Качкынбекова

10 авг. 2026 10:05

"Кең-Сай" карантиндик-фитосанитардык көзөмөл өткөрүү пунктунда Кытай Эл Республикасынан Өзбекстан Республикасына транзиттик багытта ташылып келе жаткан гүл көчөттөрүнө фитосанитардык көзөмөл жүргүзүлдү. Бул тууралуу Айыл чарба министрлигинен билдиришти.

Маалыматка ылайык, текшерүүнүн жүрүшүндө жүктүн курамында 24 түрдөгү, жалпы 7 250 даана гүл көчөтү бар экени аныкталып, аларга тиешелүү фитосанитардык документтер толук эмес экени белгилүү болгон.

Мыйзам талаптарына ылайык, документтери талапка жооп бербеген жүктү Өзбекстан Республикасынын аймагына өткөрүүгө жол берилген эмес.

Ошол эле учурда жүктү жөнөтүүчү өлкөгө кайра кайтарууга мүмкүнчүлүк болбогондуктан, тиешелүү мыйзамдардын талаптарына ылайык, Жалал-Абад бажы жана чек ара кызматтарынын өкүлдөрү менен биргеликте гүл көчөттөрү утилизацияланды.

Адистердин белгилешинче, мындай фитосанитардык көзөмөл иштери карантиндик зыяндуу организмдердин өлкө аймагына киришине жана андан ары таралышына жол бербөөгө багытталган.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Дары өндүргөн ата мекендик ишканалар өнөктөштөргө тааныштырылды

"Кыргызфармация" менен Кыргызстандагы Казакстандын бирдиктүү дистрибьютору — "СК-Фармация" ЖЧКсынын өкүлдөрү ата мекендик фармацевтикалык жана логистикалык ишканалардын иши менен таанышты. Аталган мекемеден билдиришкендей, алар жергиликтүү ишканалардын өндүрүштүк мүмкүнчүлүктөрүн, технологиялык иштерин жана чыгарылып жаткан дары-дармектердин түрлөрүн көрүп чыгышты. Маалыматка ылайык, иш сапар "Кыргызфармация» менен "СК-

Ошто 2,6 млн сомдук коштомо документтери жок буюмдар аныкталды

Ош шаарындагы эл аралык аба майданынан тиешелүү коштомо документтери жок суркүзөн терисинен жасалган буюмдар аныкталды. Бул тууралуу Салык кызматынан билдиришти. Маалыматка ылайык, Орусиядан келген жарандардын жүктөрүн текшерүү учурунда жалпы 555 даана баш кийим жана 270 даана суркүзөндүн териси табылган. Жүктүн жалпы болжолдуу баасы 2,6 млн сомду түзөт. Ошол эле

Кыргызстанга абердин-ангус породасындагы 300 баш асыл тукум мал алып келинди

Кыргызстанга 3% жеңилдетилген насыялоо долбоорунун алкагында абердин-ангус породасындагы алгачкы 300 баш асыл тукум мал алып келинди. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди. Бүгүн Министрлер Кабинетинин төрагасынын орун басары – министр Эрлист Акунбеков Аксы районунун фермери Замир Алиевге аталган долбоордун алкагында 40 баш асыл

Түп районундагы билим берүү мекемесине 124 млн сом жумшалды

Ысык-Көл облусунун Түп районундагы Фрунзе айылында 225 орундуу мектептин курулушу аяктады. Билим берүү мекемеси жаңы окуу жылына толук даяр. Бул тууралуу Курулуш министрлигин басма сөз кызматы билдирди. Маалыматка ылайык, мекеменин курулушу 2024-жылы ноябрда башталган. Долбоор республикалык казынадан каржыланып, жалпы наркы 124 миллион сомду түздү. Заманбап үлгүдөгү мектеп имаратынын