Бишкекте абаны булгаган унаалар текшерилип, 22,5 миң сом айып салынды
Бишкек шаарында автоунаалардан чыккан булгоочу заттардын атмосфералык абага тийгизген таасирин аныктоо жана экологиялык коопсуздукту камсыз кылуу максатында кезектеги рейд өттү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, рейд Экологиялык жана техникалык көзөмөл кызматынын Бишкек шаары жана Аламүдүн району боюнча регионалдык башкармалыгы тарабынан Жол кыймылынын коопсуздугун камсыздоо башкы башкармалыгынын кызматкерлери менен биргеликте жүргүзүлдү.
Иш-чаранын жүрүшүндө автоунаалардын техникалык абалы текшерилип, атмосферага чыгарылып жаткан булгоочу заттардын көлөмү белгиленген ченемдерге шайкеш келер-келбеси аныкталды.
Рейддин жыйынтыгында мыйзам бузуу фактылары боюнча 3 протокол түзүлүп, жалпы суммасы 22 миң 500 сом айып пул салынды.
