Бишкекте үч жаңы жөө жүргүнчүлөр өтмөгү сыноодон өтүүдө
Борбор калаада жөө жүргүнчүлөрдүн коопсуздугун жогорулатуу максатында үч жаңы жер үстүндөгү жөө жүргүнчүлөр өтмөгү ачылып, сыноо режиминде иштей баштады. Бул тууралуу мэриядан билдиришти.
Жаңы өтмөктөр төмөнкү көчөлөрдө жайгашкан:
- Жибек-Жолу проспектисинде;
- 7-Апрель көчөсүндө;
- Магистрал көчөсүндө.
Жаңы жөө жүргүнчүлөр өтмөктөрү шаар тургундары үчүн жолду коопсуз жана ыңгайлуу кесип өтүүгө шарт түзүүгө багытталган.
Сыноо мезгилинде адистер өтмөктөрдүн иштешине мониторинг жүргүзүп, алардын коопсуздугун жана шаар тургундары үчүн колдонууга канчалык ыңгайлуу экенин баалашат.
Мэриядан Бишкек шаарынын тургундарын жол кыймылынын эрежелерин сактоого, жолдон өтүүдө атайын жөө жүргүнчүлөр өтмөктөрүн пайдаланууга жана орнотулган жол белгилерине көңүл бурууга чакырашты.
Жөө жүргүнчүлөрдүн коопсуздугун камсыз кылуу жана шаар тургундары үчүн ыңгайлуу шарттарды түзүү борбор калаанын транспорттук инфраструктурасын өнүктүрүүдөгү негизги артыкчылыктардын бири экенин белгиленди.
