Коом

Кыргызстанда экологиялык коопсуздук боюнча 25 адис атайын окуудан өтөт

Айгерим Качкынбекова

11 авг 2026 15:11

Жаратылыш ресурстары, экология жана техникалык көзөмөл министрлиги экологиялык коопсуздук боюнча адистердин квалификациясын жогорулатууга багытталган жаңы окуу курсун баштады.

Министрликтин маалыматына ылайык, "Экологиялык коопсуздук" багытындагы курс министрликке караштуу Тармактар аралык окуу борборунда өткөрүлүүдө.

Окууга министрликтин борбордук аппаратынын, аймактык жана ведомстволук бөлүмдөрүнүн кызматкерлери, ошондой эле өндүрүштүк ишканалардын экология боюнча адистери катышат.

Курстун алкагында айлана-чөйрөнү коргоо жана жаратылыш ресурстарын сарамжалдуу пайдалануу, өндүрүштүн жаратылышка тийгизген терс таасирин азайтуу, экологиялык мыйзамдарды жана талаптарды иш жүзүндө колдонуу боюнча билим берилет.

Окутуунун биринчи этабында 25 адис билим алат. Программа теориялык билим менен катар практикалык көндүмдөрдү өнүктүрүүгө багытталган.

Курсту ийгиликтүү аяктаган адистерге квалификациясын жогорулаткандыгы тууралуу сертификаттар тапшырылат.

Министрлик жыл аягына чейин тиешелүү кызматкерлердин бардыгынын кесипкөйлүгүн жогорулатууну пландап жатат.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Кант шаарында этти арзан баада саткан дүкөн ачылды

Кант шаарында этти жеткиликтүү баада саткан муниципалдык дүкөн ачылды. Бул тууралуу Монополияга каршы жөнгө салуу кызматынынан маалымдашты. Учурда дүкөндө эттин баасы - 1 килограммы 750–760 сомдон сатылууда. Билдирүүгө караганда дүкөн - Кант шаары, Ленин көчөсү 51/1 дарегинде, «Ысык-Ата» соода үйүнүн имаратында жайгашкан. Мындай муниципалдык эт дүкөндөрүн Чүй облусунун башка

Камкордук айы - Бишкек, Ош жана Каракол шаарларында белгиленип жатат

1-октябрь — Эл аралык карылар күнүндө КР Социалдык фонду “Камкордук айы” республикалык акциясын баштаган. Ага ылайык, Бишкек, Ош жана Каракол шаарларында бир убакта майрамдык иш-чаралар белгиленди. Социалдык фонддун маалыматына караганда, программада - ден соолукту чыңдоо машыгуусу, акысыз медициналык кароо, Соцфонддон пенсия боюнча консультациялар, майрамдык концерт, белектер жана даамдуу сый-тамактар

Бишкек мэриясы метро курууну көздөөдө

Бишкек мэриясы метро куруу жана долбоордун техникалык-экономикалык жагын иштеп чыгууну көздөөдө. Бул тууралуу 2-октябрда илимий-практикалык конференциянын жүрүшүндө Бишкектин мэри Айбек Жунушалиев билдирди. Мэрдин айтымына караганда метро куруу идеясы делегаттар менен талкуу учурунда айтылган. Ушуга байланыштуу муниципалитет бул маселени кайрадан күн тартибине киргизүү жагын кароодо. Журналисттердин Бишкекте метро

ЮНЕСКО Кыргызстанга байыркы шаар калдыктарын изилдөөгө археологдорду жиберүүгө даяр

ЮНЕСКО Кыргызстанга байыркы шаар калдыктарын, анын ичинде жер жана суу астында жашырылган объекттерди изилдөө үчүн археолог жана окумуштууларды жиберүүгө даяр. Бул ЖКнын төрагасы Марлен Маматалиевдин Парижде ЮНЕСКОнун генералдык директору Халед Аль-Анани менен жолугушуусунда белгилүү болду. Маалыматка ылайык, жолугушууга депутаттар Талант Мамытов жана Камила Талиева, Кыргызстандын Франциядагы элчиси жана өлкөнүн