Коом

Ысык-Көлдүн Калкагар айылында 150 орундуу жаңы мектеп курулуп жатат

Айгерим Качкынбекова

11 авг 2026 13:51

Ысык-Көл облусунун Тоң районуна караштуу Калкагар айылында Н.Садыков атындагы 150 орундуу жаңы мектеп курулуп жатат. Бул тууралуу Курулуш, архитектура жана турак жай-коммуналдык чарба министрлигинен билдиришти.

Маалыматка ылайык, долбоор республикалык бюджеттен каржыланууда. Курулуш иштери 2025-жылдын июль айында башталган.

Учурда мектептин чатыры жабылып, сырткы шыбак иштери толугу менен аяктады. Имараттын ичинде тиешелүү курулуш иштери уланууда. Долбоор боюнча мектеп 150 окуучуга ылайыкталган.

Анда окуу класстарынан тышкары химия, биология жана физика лабораториялары, ашкана, китепкана, жыйындар залы, дарыгердин бөлмөсү жана спорт зал каралган.

Мектептин жалпы аянты 1 миң 336 чарчы метрди түзүп, имарат "А", "Б" жана "В" блокторунан турат.

Курулуш-монтаждоо иштеринин жүрүшүн Турак жай-жарандык курулуш департаменти көзөмөлдөп, аткарылган иштердин сапаты жана долбоордук талаптардын сакталышы үзгүлтүксүз текшерилүүдө.

Жаңы мектептин курулушу Калкагар айылындагы билим берүү инфраструктурасын жакшыртып, окуучулар үчүн заманбап жана ыңгайлуу шарттарды түзүүгө багытталган.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Кант шаарында этти арзан баада саткан дүкөн ачылды

Кант шаарында этти жеткиликтүү баада саткан муниципалдык дүкөн ачылды. Бул тууралуу Монополияга каршы жөнгө салуу кызматынынан маалымдашты. Учурда дүкөндө эттин баасы - 1 килограммы 750–760 сомдон сатылууда. Билдирүүгө караганда дүкөн - Кант шаары, Ленин көчөсү 51/1 дарегинде, «Ысык-Ата» соода үйүнүн имаратында жайгашкан. Мындай муниципалдык эт дүкөндөрүн Чүй облусунун башка

Камкордук айы - Бишкек, Ош жана Каракол шаарларында белгиленип жатат

1-октябрь — Эл аралык карылар күнүндө КР Социалдык фонду “Камкордук айы” республикалык акциясын баштаган. Ага ылайык, Бишкек, Ош жана Каракол шаарларында бир убакта майрамдык иш-чаралар белгиленди. Социалдык фонддун маалыматына караганда, программада - ден соолукту чыңдоо машыгуусу, акысыз медициналык кароо, Соцфонддон пенсия боюнча консультациялар, майрамдык концерт, белектер жана даамдуу сый-тамактар

Бишкек мэриясы метро курууну көздөөдө

Бишкек мэриясы метро куруу жана долбоордун техникалык-экономикалык жагын иштеп чыгууну көздөөдө. Бул тууралуу 2-октябрда илимий-практикалык конференциянын жүрүшүндө Бишкектин мэри Айбек Жунушалиев билдирди. Мэрдин айтымына караганда метро куруу идеясы делегаттар менен талкуу учурунда айтылган. Ушуга байланыштуу муниципалитет бул маселени кайрадан күн тартибине киргизүү жагын кароодо. Журналисттердин Бишкекте метро

ЮНЕСКО Кыргызстанга байыркы шаар калдыктарын изилдөөгө археологдорду жиберүүгө даяр

ЮНЕСКО Кыргызстанга байыркы шаар калдыктарын, анын ичинде жер жана суу астында жашырылган объекттерди изилдөө үчүн археолог жана окумуштууларды жиберүүгө даяр. Бул ЖКнын төрагасы Марлен Маматалиевдин Парижде ЮНЕСКОнун генералдык директору Халед Аль-Анани менен жолугушуусунда белгилүү болду. Маалыматка ылайык, жолугушууга депутаттар Талант Мамытов жана Камила Талиева, Кыргызстандын Франциядагы элчиси жана өлкөнүн