Чүйдө уруксатсыз иштеген 4 объекттин ээлерине айып салынды
Жайыл районунда жүргүзүлгөн текшерүүнүн жүрүшүндө тиешелүү уруксат берүүчү документтерсиз иш алып барган төрт объект аныкталды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Текшерүүнү Мамлекеттик архитектура-курулуш контролдоо департаментинин Чүй региондук башкармалыгы жүргүзгөн.
Мыйзам бузуу "Турук" туристтик борборунда, автоунаа жуучу жана май алмаштыруучу жайда, тейлөө станциясын тандырканага кайра профилдештирүү жана пландаштыруу иштеринде, ошондой эле дарыкананы чайканага кайра профилдештирүү боюнча курулуш иштеринде аныкталган.
Маалыматка ылайык, аталган объекттерде тиешелүү уруксат берүүчү документтерсиз иштер жүргүзүлгөн.
Текшерүүнүн жыйынтыгында төрт жеке ишкерге мыйзам бузууларды жоюу боюнча көрсөтмөлөр берилип, жалпы 256 миң сом айып пул салынды.
