Бишкекте бир күндө 168 мыйзамсыз жарнама демонтаждалды
12-августта Бишкектин Свердлов районунда дизайн-коддун талаптарына жооп бербеген жарнамалык конструкцияларды демонтаждоо иштери жүргүзүлдү. Бул тууралуу мэриядан билдиришти.
Курманжан Датка көчөсүнүн Жибек Жолу проспектисинен Чоң Чүй каналына чейинки бөлүгүндө өз алдынча орнотулган 168 жарнамалык конструкция алынды.
Ишкерлер жана мүлк ээлери жарнамалык конструкцияларды жайгаштыруунун мыйзамдуулугун алдын ала текшерип, объектилердин сырткы көрүнүшүн бекитилген талаптарга ылайык келтирүүгө чакырылды.
Мыйзамсыз орнотулган жарнамалык конструкцияларды демонтаждоо иштери Бишкектин бардык райондорунда улантылат.
