Бишкектеги Осмонкулов көчөсүндөгү кемчиликтерди жоюу тапшырылды
Бишкек шаарынын Осмонкулов көчөсүндөгү капиталдык оңдоо иштерине байланыштуу жарандан жол, тротуар, люк жана арыктардын курулушу боюнча кайрылуу келип түшкөн.
Курулуш министрлигине караштуу Мамлекеттик архитектура-курулуш контролдоо департаментинин Бишкек шаардык башкармалыгынын маалыматына ылайык, узундугу 1370 метр болгон тилкедеги иштер учурда аяктоо стадиясында. Объект расмий кабыл алына элек.
Капиталдык оңдоо иштерин "Технотоп" ЖЧКсы жүргүзүүдө. Жол боюндагы люкту кайра жасоо боюнча подрядчыга талап коюлуп, аныкталган кемчиликтерди жоюу боюнча эскертүүлөр берилген.
Арыктар долбоорго ылайык курулуп, айрым жерлерде суунун өтүшү үчүн жер астына түтүктөр орнотулган.
Кемчиликтер толук жоюлуп, талаптар аткарылгандан кийин объектти расмий кабыл алуу маселеси каралат.
