Коом

"Кыргыз-Ата" паркындагы жаңы комплекстин курулушуна мезгил кутусу салынды

Айгерим Качкынбекова

14 авг. 2026 18:02

"Кыргыз-Ата" мамлекеттик жаратылыш паркында жаңы кире бериш аркасын жана көзөмөл-өткөрмө пунктун куруу долбоору ишке ашырыла баштады. Бул тууралуу Жаратылыш ресурстары, экология жана техникалык көзөмөл министрлиги билдирди.

Маалыматка ылайык, бүгүн комплекстин курула турган жерине капсула салуу аземи өттү.

Иш-чарада Жаратылыш ресурстары, экология жана техникалык көзөмөл министринин биринчи орун басары Жеңиш Сейдалиев жаратылыш парктарында жаратылыш аймактарын сактоо менен катар эс алуучулар үчүн заманбап шарттарды түзүү маанилүү экенин белгиледи.

Жаңы кире бериш аймакка кирүүнү иретке келтирүүгө, көзөмөлдү күчөтүүгө жана парктын сырткы көрүнүшүн жакшыртууга мүмкүндүк берет.

Мындан тышкары, "Кыргыз-Ата" паркында президент Садыр Жапаровдун колдоосу менен заманбап тазалоочу курулмаларды куруу иштери жүрүп жатат. Долбоор айлана-чөйрөгө болгон жүктү азайтууга, саркынды сууларды талаптагыдай тазалоого жана өзгөчө корголуучу жаратылыш аймагынын экологиялык коопсуздугун жогорулатууга багытталган.

"Кыргыз-Ата" мамлекеттик жаратылыш паркы 1992-жылы Ош облусунун Ноокат районунда түзүлгөн. Анын аймагы арча токойлору, өсүмдүктөр жана жаныбарлар дүйнөсүнүн ар түрдүүлүгү, ошондой эле кооз жаратылыш ландшафттары менен баалуу.

Министрликтен белгилешкендей, парктын инфраструктурасын өнүктүрүү жаратылыш мурасын сактоого жана "Кыргыз-Атага" келгендер үчүн ыңгайлуу шарттарды түзүүгө багытталган.

Мындан тышкары окуңуз

Улан Ниязбеков Грузиянын премьер-министри менен жолугушту

Ички иштер министри Улан Ниязбеков 14-августта Грузиянын премьер-министри Ираклий Кобахидзе менен жолугушту. Бул тууралуу ИИМдин басма сөз кызматы билдирди. Маалыматка ылайык, жолугушууда Кыргызстан менен Грузиянын ортосундагы кызматташтыкты өнүктүрүү, анын ичинде коопсуздук жаатындагы өз ара аракеттенүү маселелери талкууланды. Тараптар коопсуздукту жана туруктуулукту камсыз кылууга, заманбап чакырыктарга жана коркунучтарга каршы

Прокурорлор экологиялык талаштарды кароо жана чечүү боюнча окуудан өттү

12-августта жана 14-августта Бишкек жана Ош шаарларында прокуратура кызматкерлери үчүн "Экологиялык талаштарды кароо жана чечүү" темасында тренингдер өткөрүлдү. Башкы прокуратуранын маалыматына ылайык, окутууларга экологиялык прокуратуралардын, облустардын, ошондой эле Бишкек жана Ош шаарларынын прокуратураларынын кызматкерлери катышты. Иш-чаралар БУУнун Өнүктүрүү программасынын (БУУӨП) колдоосу менен Судьялар ассоциациясы менен

Нарын – Оруктам жолунун 5,3 чакырымына асфальт төшөлдү

Нарын облусунун Нарын районундагы Нарын – Оруктам унаа жолунун 9,45-15-чакырым аралыгындагы 5,3 чакырым жолго асфальт төшөө иштери аяктады. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, жумуштар №8 Жол эксплуатациялоо мекемеси тарабынан белгиленген графикке ылайык, сапат талаптарын сактоо менен аткарылды. Жолдун бул бөлүгүнүн оңдолушу

Кыргызстан менен Кытай өткөрмө бекеттерди башкаруу боюнча келишим түзөт

14-августта Кыргызстан менен Кытай өткөрмө бекеттерди башкаруу жаатында кызматташуу жөнүндө долбоорду макулдашышты. Бул тууралуу Министрлер кабинетине караштуу Мамлекеттик бажы кызматынан билдиришти. Маалыматка ылайык, талкууга Кыргызстандын Бажы жана Чек ара кызматтары, Тышкы иштер, Айыл чарба, Транспорт жана коммуникациялар, Саламаттык сактоо министрликтеринин өкүлдөрү катышты. Кытай тараптан тиешелүү мамлекеттик органдардын өкүлдөрү болду.