Аялдамадагы даракка зыян келтирген ижарачыга Бишкек мэриясы чара көрдү
Бишкек шаарында Жибек Жолу проспектиси менен Ж. Абдрахманов көчөсүнүн кесилишиндеги аялдамада жайгашкан даракка зыян келтирүү фактысы боюнча тиешелүү чаралар көрүлдү.
Мэриянын маалыматына ылайык, аталган жер тилкеси ижарага берилген. Ижарачы пандус куруу иштерин жүргүзүп жаткан учурда даракка зыян келтирген.
Учурда дарактын түбү бетондон тазаланып, аялдама аймагын талапка ылайык келтирүү боюнча иштер жүргүзүлүүдө.
Бул факты боюнча Муниципалдык инспекция протокол түзүп, Кыргыз Республикасынын Укук бузуулар жөнүндө кодексинин 114-беренесине ылайык айып пул салды.
Мындан тышкары, мыйзам бузууга байланыштуу ижара келишими токтотулуп, подрядчы ак ниетсиз аткаруучулардын тизмесине киргизилет.
