Өткөн аптада 36,5 миңден ашык жол эрежесин бузуу фактысы катталды
Ички иштер министрлигинин Жол кыймылынын коопсуздугун камсыздоо башкы башкармалыгы 7-13-август аралыгында өлкө боюнча 36 536 жол эрежесин бузуу фактысы аныкталганын билдирди.
Анын ичинен 534 айдоочу унааны мас абалында башкарса, 1 003 айдоочу тиешелүү документтери жок унаа айдаган. Ошондой эле 2 129 ылдамдыкты ашыруу, 288 унаанын айнегин мыйзамсыз караңгылатуу жана 32 автоээнбаштык фактысы катталган.
Мындан тышкары, жөө жүргүнчүлөр катышкан 1 942 жол эрежесин бузуу фактысы аныкталып, транспорт каражаттарын эксплуатациялоо эрежелерин бузган 5 865 учур катталган.
Жол эрежелерин бузгандыгы үчүн 3 552 транспорт каражаты атайын айып короого киргизилди.
ЖКККББ айдоочуларды жана жол кыймылынын башка катышуучуларын жол эрежелерин так сактоого жана коопсуздукка жоопкерчилик менен мамиле кылууга чакырат.
