Июль айында 182 курулуш объектисине техникалык корутунду берилди
Үстүбүздөгү жылдын июль айында республика боюнча 182 курулуш объектисине техникалык корутунду берилди. Бул тууралуу Курулуш министрлигине караштуу Жер титирөөгө туруктуу курулуш жана инженердик долбоорлоо мамлекеттик институту маалымдайт.
Техникалык корутунду берилген объектилердин ичинен 130у социалдык объект, 27си турак жай, 14ү турак эмес жай жана 7си административдик имараттар. Мындан тышкары, башка багыттагы курулуш объектилери да текшерүүдөн өткөн.
Техникалык корутунду курулуш объектилеринин жер титирөөгө туруктуулугун баалоодо, долбоордук чечимдердин коопсуздук талаптарына жооп берерин жана техникалык стандарттарга шайкештигин аныктоодо маанилүү роль ойнойт.
Институт тарабынан жүргүзүлгөн текшерүүлөр ар кандай типтеги имараттарды жана социалдык инфраструктура объектилерин камтыды.
