Кара-Көлдө тургундардын сунушу менен жаңы жол чырактар орнотулду
Кара-Көл шаарында көчөлөрдүн түнкү жарыктандыруу тутумун жаңылоо иштери уланууда. Жарактан чыккан жол чырактары жаңыларына алмаштырылып, жарык жок көчөлөргө кошумча чырактар орнотулууда.
Кара-Көл шаардык мэриясынын басма сөз кызматы билдиргендей, учурда Бишкек – Ош жолунун калаага тиешелүү тилкесиндеги, ошондой эле Серый, Кулданбаев, Ленин жана Чубак ажы Жалилов көчөлөрүндөгү жол чырактар жаңыртылды.
Белгиленгендей, бул маселеси шаар тургундары менен болгон жолугушууларда көтөрүлгөн. Жарандардын сунуштарын эске алуу менен тиешелүү иштер башталып, учурда калаанын башка аймактарында да улантылууда.
