Мыйзамсыз аңчылык кылган жаранга айып пул салынып, зыян үчүн доо коюлду
Бишкек шаары жана Аламүдүн району боюнча Экологиялык жана техникалык көзөмөл кызматына мыйзамсыз аңчылык жүргүзүлүп жатканы тууралуу маалымат түшүп, анын негизинде текшерүү жүргүзүлдү.
Жаратылыш ресурстары министрлигинин басма сөз кызматы билдиргендей, аймактык башкармалыктын тескөөчүлөрү ИИМдин кызматкерлери менен биргеликте тиешелүү иш-чараларды аткарышкан.
Жыйынтыгында уруксат берүүчү документтери жок аңчылык кылган жаранга Укук бузуулар жөнүндө кодекске ылайык 10 миң сом айып салынды.
Мындан тышкары, зыяндын ордун толтуруу үчүн 6 миң сом өлчөмүндө доо коюлду.
