Коом

Баткенде үй-бүлөлүк зомбулук былтыркыдан 52 учурга аз катталды

Уулжан Бейшенбекова

20 авг 2026 10:08

Кадамжай районунда үй-бүлө, гендердик өнүктүрүү, социалдык коргоо жана балдардын укуктарын коргоо боюнча көчмө жыйыны өттү. Бул тууралуу Баткен облусундагы өкүлчүлүктүн басма сөз кызматы билдирди.

Маалыматка ылайык, жыйынды ыйгарым укуктуу өкүлдүн орун басары Максатай Каримбердиева жетектеп, ага тиешелүү мамлекеттик органдардын, укук коргоо жана социалдык кызматтардын өкүлдөрү онлайн жана офлайн форматта катышты.

Кеңештин күн тартибинде 2026-жылдын биринчи жарым жылдыгында үй-бүлөлүк зомбулуктун алдын алуу, балдардын укуктарын коргоо жана жайкы эс алуу мезгилинде жаш өспүрүмдөрдүн коопсуздугун камсыздоо багытында жүргүзүлгөн иштер талкууланды.

Белгиленгендей, жыл башынан бери Баткен облусунда үй-бүлөлүк зомбулуктун 449 учуру катталып, өткөн жылдын ушул мезгилине салыштырмалуу 52 учурга азайган. Ошондой эле балдар сууга чөгүп кеткен 13 факты катталып, бул көрсөткүч өткөн жылга салыштырмалуу үч учурга төмөндөгөн.

Катышуучулар көйгөйлөрдү алдын алуу, калк арасында түшүндүрүү иштерин күчөтүү жана балдардын коопсуздугун камсыздоо боюнча аткарылып жаткан иштерди мындан ары да күчөтүү зарылдыгын белгилешти.

Жыйындын соңунда тиешелүү мамлекеттик органдарга жана кызматтарга алдын алуу иштеринин натыйжалуулугун жогорулатуу боюнча бир катар тапшырмалар берилди.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Кыргызстан менен Армения кызматташтык боюнча 10 документке кол койду

Бүгүн Ереванда президент Садыр Жапаров менен Армениянын премьер-министри Никол Пашиняндын сүйлөшүүлөрүнүн жыйынтыгында кыргыз-армян кызматташтыгын өнүктүрүүгө багытталган 10 документке кол коюлду. Кеңейтилген форматтагы сүйлөшүүлөрдө тараптар соода-экономикалык байланыштарды кеңейтүү, транспорттук-логистикалык каттамдарды өнүктүрүү, айыл чарба, маалыматтык технологиялар, билим берүү жана туризм тармактарындагы кызматташтыкты талкуулашты. Сапардын алкагында төмөнкү документтер кабыл

“Тамчы” АФИА эл аралык рейтингде дүйнөдө экинчи орунду ээледи

Кыргызстандагы “Тамчы” атайын финансылык-инвестициялык аймагы (АФИА) Financial Times тобуна кирген fDi Intelligence аналитикалык борборунун Global Free Zones of the Year 2026 рейтингинде “Чыгып келе жаткан жылдыз” (Rising Stars) категориясы боюнча Азия-Тынч океан аймагында биринчи, дүйнөдө экинчи орунду ээледи. Маалыматка ылайык, “Тамчы” бул рейтингде жогорку баага татыган Борбор Азиядагы

18-октябрда Бишкекте төрт автобустун кыймыл чиймеси убактылуу өзгөрөт

2026-жылдын 18-октябрында “Бишкек Аренада” белгилүү ырчы Шакиранын концерттик программасы өткөрүлө тургандыгына байланыштуу № 23, № 100, № 35 жана № 45 автобус каттамдарынын кыймыл чиймеси бир күнгө өзгөртүлөт. Бишкек шаардык мэриясынын маалыматына караганда, өзгөртүүлөр иш-чара өтүүчү аймакта жол кыймылын жөнгө салуу максатында киргизилүүдө. Ушуга байланыштуу жүргүнчүлөргө сапарларын алдын ала пландаштырууда каттамдардын

Бишкекте экологиялык сот адилеттиги боюнча эл аралык конференция өттү

Эл аралык иш-чарада экологиялык укуктарды сот аркылуу коргоо, эл аралык тажрыйбаны улуттук соттук практикага киргизүү жана жаратылыш ресурстарын сактоо маселелери талкууланды. Бул тууралу Жогорку соттун басма өз кызматынан кабарлашты. Ага Кыргызстандын, Казакстандын, Өзбекстандын, Бельгиянын жана Түштүк Африканын сот тутумдарынын өкүлдөрү, эл аралык эксперттер жана экологдор катышышты. Жогорку соттун төрагасы