Коомдук иштер: беш облуста 1421 адам эмгеги үчүн азык-түлүк алды
Июлда Ош, Жалал-Абад, Баткен, Нарын жана Талас облустарынын 15 районунда жана 3 шаарында акы төлөнүүчү коомдук иштер жана эмгек үчүн азык-түлүк жардам долбоорлору боюнча 45 демилге ишке ашырылды.
"Өнүктүрүү демилгелеринин агенттиги" уюмунун маалыматына ылайык, коомдук иштерге жалпысынан 1421 адам катышып, эмгеги үчүн 410,26 тонна азык-түлүк алышкан.
Белгиленгендей, долбоорлор Эмгек, социалдык камсыздоо жана миграция министрлиги менен биргеликте БУУнун Дүйнөлүк азык-түлүк программасынын колдоосу менен өлкөнүн бардык аймактарында уюштурулуп жатат.
Аткарылган иштер таза жана сугат сууга жеткиликтүүлүктү камсыз кылуу, аймактарды көрктөндүрүү жана табигый кырсыктардын тобокелдигин азайтууга багытталганы белгиленди.
