Таласта 93 миң гектардан ашык токойдун чек аралары такталууда
Бакай-Ата жана Талас токой чарбаларында жалпы 93 037,4 гектар жер аянтынын абалын баалоо иштери жүргүзүлүүдө. Бул тууралуу ӨКМге караштуу Токой кызматынан билдиришти.
Маалыматка ылайык, топографиялык жана геодезиялык иштер аткарылып, токой тилкелерине баа берилип, биотүрдүүлүгү талданып жатат. Ошондой эле чек аралык мамылар орнотулууда.
2026-жылдын 1-июнунан бери токойду пландаштыруу жана инвентаризациялоо тобу тарабынан 36 502,56 гектар аймактагы токой бөлүкчөлөрү бааланды.
Мындан тышкары, экме токойлор изилденип, 156 сынамык аянтча салынды. Алдыдагы 10 жылга токой чарбасын жүргүзүү боюнча пландар да белгиленди.
