Баткенде селден жабыркаган үй үчүн 33 миң 465 сом кенемте төлөндү
Баткенде селден жабыркаган үйдүн ээсине 33 миң сомдон ашык кенемте төлөндү. Бул тууралуу Мамлекеттик камсыздандыруу уюмунан билдиришти.
Маалыматка ылайык, 23-июлда Боз-Адыр айылында Пазылов Канатбекке таандык турак үйгө сел кирген.
Кырсыктын кесепетинен үй ээси материалдык чыгымга учураган. Турак жай алдын ала камсыздандырылгандыктан, үй ээсине 33 465 сом өлчөмүндө кенемте берилди.
Аталган уюм турак жайды алдын ала камсыздандыруу күтүлбөгөн кырсыктардын чыгымынын ордун толтурууга мүмкүндүк берерин белгиледи.
