Манас шаарында газдалган суусундук сатуучу жайлардын коопсуздугу текшерилди
Манас шаарында газ баллону жана газ жабдуулары колдонулган газдалган суусундук сатуучу жайларда коопсуздук талаптарынын сакталышы боюнча рейддик текшерүү жүргүзүлдү. Бул тууралуу Манас шаарынын мэриясы билдирди.
Текшерүүнүн жүрүшүндө газдалган суусундук сатуучу аппараттардын техникалык абалы жана коопсуздук талаптарына шайкештиги каралды.
Жыйынтыгында аныкталган кемчиликтерди жоюу боюнча сатуучуларга эскертүүлөр берилип, аларды оңдоо үчүн 15 күндүк мөөнөт белгиленди.
Ошондой эле газ жабдууларын коопсуз пайдалануу боюнча түшүндүрүү иштери жүргүзүлдү.
