Ош облусунда эки күн ичинде түндө көчөдө жүргөн 101 өспүрүм аныкталды
Ош облусунда коомдук коопсуздукту камсыздоо жана өспүрүмдөр арасындагы укук бузуулардын алдын алуу максатында "Өспүрүм-түн" аталышындагы рейддик иш-чара өттү.
Ош облустук ички иштер башкармалыгынын маалыматына ылайык, Кара-Суу жана Ноокат райондорунда эки күндө түнкү убакта ата-энесинин же мыйзамдуу өкүлүнүн коштоосуз жүргөн 101 өспүрүм аныкталган.
Аталган өспүрүмдөрдүн ата-энелери же жакындары аныкталып, аларга млиция кызматкерлери түшүндүрмө беришти. Ошондой эле мыйзамда каралган тиешелүү чаралар көрүлдү.
Ош ОИИБ белгилегендей, мындай иш-чаралар облус аймагындагы бардык райондордо улантылып жатат.
