Бишкекте курулуш долбоорлорун макулдашуу санарипке өтүүдө
Бишкек шаар куруу жана архитектура башкы башкармалыгында долбоордук документтерди электрондук форматта кароо боюнча санариптик система киргизилүүдө. Бул тууралуу Курулуш министрлигинен билдиришти.
Маалыматка ылайык, башкармалыктын жетекчисинин орун басары Исмаил Мирбек уулунун жетекчилиги алдында өткөн техникалык кеңешмеде долбоорлор электрондук форматта каралды. Адистер документтер менен таанышып, тиешелүү сунуш-пикирлерин беришти.
Буга чейин долбоорлор кароого кагаз түрүндө гана берилип келген. Автоматташтырылган маалыматтык системанын киргизилиши долбоорлорду кароо жана макулдашуу процессин тездетүүгө, ошондой эле кагаз документтердин көлөмүн азайтууга мүмкүндүк берет.
