Чолпон-Атада мыйзамсыз ташталган калдыктар боюнча чара көрүлүүдө
Чолпон-Ата шаарындагы Акматбай Ата көчөсүнүн батыш бөлүгүндөгү каналга мыйзамсыз ташталган курулуш калдыктары тазаланууда. Бул тууралуу Ысык-Көл облусундагы өкүлчүлүктүн басма сөз кызматы билдирди.
Маалыматка ылайык, аймакта курулуш калдыктары топтолгону аныкталып, облус башчысы Бакытбек Жетигеновдун тапшырмасынын негизинде иштер башталды.
Тазалоо иштерине шаар мэриясы республикалык казынанын эсебинен алган жаңы атайын техникалар тартылды.
Шаар мэриясы жарандарды курулуш жана тиричилик калдыктарын белгиленген атайын жайларга гана таштоого чакырды.
Ошондой эле мыйзамсыз таштанды төгүү фактылары боюнча көзөмөл күчөтүлөрү белгиленди. Мындай мыйзам бузуулар аныкталган учурда административдик чаралар көрүлөт.
