Ошто экологиялык таза продукция өндүрүү маселеси талкууланууда
Бүгүн Ош мамлекеттик университетинде "Органикалык айыл чарбасынын туруктуу өнүгүүсү: илим, инновация жана практика" аталышындагы эл аралык илимий-практикалык конференция өтүүдө. Суу ресурстары, айыл чарба жана кайра иштетүү өнөр жайы министрлигинен билдиришти.
Иш-чара президенттин "Органикалык айыл чарбанын улуттук күнү жөнүндө" жарлыгын ишке ашыруунун алкагында уюштурулду.
Конференцияда органикалык өндүрүштү өнүктүрүү, заманбап технологияларды колдонуу, топурактын сапатын сактоо, жер ресурстарын натыйжалуу пайдалануу жана экологиялык таза продукция өндүрүү маселелери талкууланууда.
Иш-чарага окумуштуулар, мамлекеттик органдардын өкүлдөрү, айыл чарба адистери жана фермерлер катышууда.
Конференциянын максаты — илим менен практиканы айкалыштырып, Ош облусунда органикалык айыл чарбасын өнүктүрүү боюнча конкреттүү сунуштарды иштеп чыгуу.
