Бишкекте 17 жана 22 кабаттуу үйлөрдүн курулуш сапаты текшерилди
Бишкек шаарында курулуп жаткан 17 жана 22 кабаттуу турак үйлөрдөгү бетондун бекемдиги текшерилди. Бул тууралуу Курулуш, архитектура жана турак жай-коммуналдык чарба министрлиги билдирди.
Текшерүү Нуркамал Жетикашкаева көчөсү, 3А дарегиндеги курулуш объектилеринде жүргүзүлдү.
Курулушта сертификаттоонун республикалык борборунун адистери бетондун иш жүзүндөгү бекемдигин аныктоо үчүн конструкцияга зыян келтирбеген атайын ыкма менен сыноо жүргүзүштү.
Текшерүүнүн негизги максаты — бетон конструкцияларынын көрсөткүчтөрү белгиленген талаптарга жооп берерин аныктоо жана курулуш иштеринин сапатына көзөмөл жүргүзүү.
Министрлик курулуш материалдарынын сапатын үзгүлтүксүз текшерүү объектилердин ишенимдүүлүгүн жана коопсуздугун камсыздоодо маанилүү экенин белгиледи.
