Коом

Таласта беш баласына алимент төлөбөй жүргөн жаранга кылмыш иши козголду

Уулжан Бейшенбекова

25 авг 2026 16:01

Акыйкатчы институтунун кийлигишүүсүнөн кийин Талас облусунда беш баласына алимент төлөбөгөн жаранга кылмыш иши козголду. Бул тууралуу аталган мекеменин басма сөз кызматы билдирди.

Маалыматка ылайык, акыйкатчы Жамиля Жаманбаевага Бакай-Ата районунун тургуну кызынын жана неберелеринин укуктарын коргоо өтүнүчү менен кайрылган.

Маалыматка ылайык, анын кызы 2025-жылы жолдошу менен ажырашкандан кийин беш баласына алимент өндүрүү боюнча сотко кайрылган. Бакай-Ата райондук соту мурдагы күйөөсүн эмгек акысынын жана башка бардык кирешелеринин жарымын алимент катары төлөп турууга милдеттендирген.

Бирок жаран соттун чечимине карабай, 2025-жылдын 28-январынан бери бир да жолу алимент төлөгөн эмес.

Арыз ээси мурдагы күйөөсүнүн чарбалык жери, малы жана унаасы бар экенине карабастан, балдарын багуудан баш тартып жатканын билдирген. Ошондой эле сот аткаруучулары менен милициянын аракетсиздигине даттанган.

Акыйкатчынын Талас облусундагы өкүлчүлүгү райондук прокуратурага жана сот аткаруучулар кызматына кайрылып, сот чечимин аткаруу боюнча чара көрүүнү талап кылган.

Натыйжада 2026-жылдын 12-июлунда жаранга карата Кылмыш-жаза кодексинин 178-беренесинин 2-бөлүгү ("Ата-эненин балдарын багуудан качышы") боюнча кылмыш иши козголду. Жарандын алимент боюнча карызы 195 миң сомду түзгөн. Учурда тергөө иштери уланууда.

Акыйкатчы институтунун маалыматы боюнча, 2026-жылдын алты айында алимент өндүрүү маселеси боюнча 94 кайрылуу түшкөн.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!

Мындан тышкары окуңуз

Кыргызстан менен Армения кызматташтык боюнча 10 документке кол койду

Бүгүн Ереванда президент Садыр Жапаров менен Армениянын премьер-министри Никол Пашиняндын сүйлөшүүлөрүнүн жыйынтыгында кыргыз-армян кызматташтыгын өнүктүрүүгө багытталган 10 документке кол коюлду. Кеңейтилген форматтагы сүйлөшүүлөрдө тараптар соода-экономикалык байланыштарды кеңейтүү, транспорттук-логистикалык каттамдарды өнүктүрүү, айыл чарба, маалыматтык технологиялар, билим берүү жана туризм тармактарындагы кызматташтыкты талкуулашты. Сапардын алкагында төмөнкү документтер кабыл

“Тамчы” АФИА эл аралык рейтингде дүйнөдө экинчи орунду ээледи

Кыргызстандагы “Тамчы” атайын финансылык-инвестициялык аймагы (АФИА) Financial Times тобуна кирген fDi Intelligence аналитикалык борборунун Global Free Zones of the Year 2026 рейтингинде “Чыгып келе жаткан жылдыз” (Rising Stars) категориясы боюнча Азия-Тынч океан аймагында биринчи, дүйнөдө экинчи орунду ээледи. Маалыматка ылайык, “Тамчы” бул рейтингде жогорку баага татыган Борбор Азиядагы

18-октябрда Бишкекте төрт автобустун кыймыл чиймеси убактылуу өзгөрөт

2026-жылдын 18-октябрында “Бишкек Аренада” белгилүү ырчы Шакиранын концерттик программасы өткөрүлө тургандыгына байланыштуу № 23, № 100, № 35 жана № 45 автобус каттамдарынын кыймыл чиймеси бир күнгө өзгөртүлөт. Бишкек шаардык мэриясынын маалыматына караганда, өзгөртүүлөр иш-чара өтүүчү аймакта жол кыймылын жөнгө салуу максатында киргизилүүдө. Ушуга байланыштуу жүргүнчүлөргө сапарларын алдын ала пландаштырууда каттамдардын

Бишкекте экологиялык сот адилеттиги боюнча эл аралык конференция өттү

Эл аралык иш-чарада экологиялык укуктарды сот аркылуу коргоо, эл аралык тажрыйбаны улуттук соттук практикага киргизүү жана жаратылыш ресурстарын сактоо маселелери талкууланды. Бул тууралу Жогорку соттун басма өз кызматынан кабарлашты. Ага Кыргызстандын, Казакстандын, Өзбекстандын, Бельгиянын жана Түштүк Африканын сот тутумдарынын өкүлдөрү, эл аралык эксперттер жана экологдор катышышты. Жогорку соттун төрагасы